Vra vir Faffa

Ringe op die hoewe van perde

Vraag

Wat veroorsaak stresringe op perde se hoewe?

Antwoord

Ringe kan voorkom op een hoef, beide voor of agter hoewe of selfs op al vier hoewe. Dit kan die voorkoms van ‘n enkele „golf“ of herhalende golwe hê.

Die oorsaak kan fisiologies of patologies wees.
Fisiologiese oorsake kan a.g.v. voedings- of bestuursveranderings wees en kom voor as ‘n enkele ring, op al vier hoewe en groei geleidelik uit. Voorbeelde is die ring op die hoefies van vullens na speen en oorgang na vaste voedsel, byvoeging van konsentraat voeding in voorbereiding van skoue, laat fase van dragtigheid, seisoenverwisseling, strawwe atletiese programme en dies meer.
Patologiese oorsake is gewoonlik a.g.v.‘n siektetoestand of ernstige maagdermkanaal versteurings. Die bekendste voorbeeld is laminitis, wat op sigself deur verskeie faktore veroorsaak kan word. Ringe volg opmekaar en die hoewe neem uiteindelik die vorm van ‘n „slipper“ aan aangesien groei by die toon minder is as by die hiele. Dit kan een hoef aantas, beide voor hoewe, beide agter hoewe (seldsaam) of al vier hoewe. Die defektiewe groei van die hoewe is gewoonlik voortdurend van aard.
In sommige gevalle van patologiese aard kan enkele ringe op al vier hoewe ook voorkom. Voorbeelde hiervan is die nagevolg van ‘n hoë koorsreaksie en soms na inentings. Tensy die oorsaak behandel word, groei die ringe ook mettertyd uit en is van weinig belang.
‘n Kroniese infeksie in die hoef of enige trauma wat die hoefkroon betrek, kan ook ringe veroorsaak. Hierdie is enkelvoudig en kan asimmetries op die hoef voorkom.
Aangesien hoefgroei redelik konstant is (0.7-1.0cm/m), kan met redelike sekerheid voorspel word wat die „geskiedenis“ van gebeure was wat die ringe voorafgegaan het.
Vir volledige artikel en fotos klik op pdf hieronder.
Geskryf deur: dr. Sybrand van den Berg, Perde spesialis (sybrandvdberg@yahoo.com)
24 Junie 2011

Lewer kommentaar

Slegs in Afrikaans

Los 'n antwoord

Alle velde moet ingevul word.

Teken In

Ek het nie 'n rekening nie. Ek moet een skep.


Ek het my wagwoord vergeet X

Registreer

Het jy reeds 'n profiel? Teken asseblief in.


X