Vra vir Faffa

Dwerggene van Dexters

Vraag

Ek wou graag met Bonsmaras boer, toe vind ek uit dat ek Bonsmaraverse teen ongeveer R 7 500 stuk, nie kon bekostig nie. Ek wou ook nie ’n lening aangaan nie. Ek het besluit om maar vier langbeen Dexterkoeie by ’n kollega wat na die V.S.A verhuis het, te koop teen R 1500 elk. Ek het ‘n Simbrabul gekoop, aangesien ek nie rêrig met Dexters wou boer nie. My eerste oes was goed geboude kalwers en al die koeie het sonder probleme gekalf. Die kalwers is van normale grootte soos ander kalwers. Ek wil weet of die dwerggene van die Dexters weereens in my kudde gaan terugkeer en gevolglik klein kalwers in die toekoms kan voortbring alhoewel hulle nageslag nooit weer deur ’n Dexterbul gedek gaan word nie?

Antwoord

Alle diere dra 2 vorms van dieselfde geen, waar een afkomstig is van die vader en die ander van die moeder. Kortbeen Dexters is heterosigoties, dit wil sê het ‘n chondrodysplastiese ( ‘bulldog’) geen, sowel as ‘n normale geen. ‘n Fetus wat twee ‘bulldog’ gene ontvang, word geaborteer as ‘n misvormde ‘bulldog’ kalfie. Langbeen Dexters het 2 normale gene en kan op geen manier kortbeen Dexters teel nie, mits hulle met ander normale diere gepaar word. Kortbeen Dexters kan uitgeken word aan ‘n verkorte pypbeen.

Geskryf deur: dr.Helena Theron, LNR-Diere produksie instituut, Irene (Helena@arc.agric.za)

19 Julie 2010

 


Lewer kommentaar

Slegs in Afrikaans

Los 'n antwoord

Alle velde moet ingevul word.

Teken In

Ek het nie 'n rekening nie. Ek moet een skep.


Ek het my wagwoord vergeet X

Registreer

Het jy reeds 'n profiel? Teken asseblief in.


X