Chemikalieë

Beheer van ronde miershope

Vraag

Ronde miershope word ‘n al hoe groter probleem in ons area. Hoe kan ek hierdie probleem oorkom?

Antwoord

Die produk wat geregistreer is om die grasdraertermiet wat sulke groot termiethope maak, mee te beheer is D-D 92 Soil fumigant (bevat 1,3-dichlorpropeen) met registrasienommer L4988 van BASF. Daar moet een of twee gate in die termiethoop gemaak word en dan moet 10 tot 20 ml van die produk so diep as moontlik in die gate ingespuit word – die gate moet daarna verseël word sodat die produk in sy gasfase the hele nes kan penetreer en uitwis.

Iets anders wat baie belangrik is ten einde termiete in bedwang te hou, is om die erdvarke en aardwolwe (ook bekend as weerwolwe of maanhaarjakkalse) ten alle koste te beskerm. Gesonde bevolkings van die twee diere het gewoonlik ‘n groot dempende effek op termiete. Sommige grondeienaars krap ook die termiethope met trekkers en ploegskare oop sodat die erdvarke en aardwolwe die termiete makliker kan bykom.

Geskryf deur: dr.Gerhard Verdoorn (nesher@tiscali.co.za)

4 September 2012


Kommentaar

Kommentaar (3) “Beheer van ronde miershope

  1. butch
    butch

    in die weskaap is geen erdvarke waar ek bly meer oor nie, 30-40 jaar terug volop – vandag niks!

  2. ben
    ben

    het sowat 7jaar terug totaal van 2ooohektaar met ford 3000 alle miershope met eenskaar ploeg in die winter oop gebreek. Die ruseltaat was anfanklik suksesvol. Die afgelope 2 jaar n absolute miershoop ontploffing u moet dit sien om te glo. Dit is eintlik vreesaanjaend om so oor die kamp te kyk. Chemiese beheer is n oplossing maar baie tydrowend,arbeid en koste effektief.. Ek neem ook waar dat die miershope in die omgewing buite beheer is. Het iemand vir my n koste effektiewe raad deur net te breek help net vir die oog en klein persentasie vrek.Watter meganiese + chemiese raad stel jul voor.HELP ASB

  3. Viljee
    Viljee

    Is dit nie moontlik om met termiete (protiëne) te boer en na Sjina en Japan as snoepery uit te voer nie?


Lewer kommentaar

Slegs in Afrikaans

Los 'n antwoord

Alle velde moet ingevul word.

Teken In

Ek het nie 'n rekening nie. Ek moet een skep.


Ek het my wagwoord vergeet X

Registreer

Het jy reeds 'n profiel? Teken asseblief in.


X