Vra vir Faffa

Uitwerking van groeihormoon aanvullings op vleiskwaliteit

Vraag

Wat is die uitwerking van groeihormoon aanvullings op vleisvleiskwaliteit?

Antwoord

Dankie vir jou navraag oor die invloed van groeibevorderaars in vee. Daar is heelwat navorsing gedoen op die gebruik van die molekules, veral na die fiasko met die gebruik van diëtielstilbestrol (DES) in beeste.

Daar is tans ‘n hele klomp veilige molekules wat vir die doel van goeibevordering gebruik word, maar hulle is nie regtig “groeihormone” nie, maar het wel ‘n invloed op anaboliese groei in diere.

Groeihormoon as sulks (somatomedien, IGF’s “insulin-like growth factors”) word wel in melkbeeste gebruik met goeie resultate.

Die groeibevorderaars waarna jy verwys, is almal steroïed hormone wat as oor implantate toegedien word in vee. Die middels word streng volgens voorskrif gebruik en in al die studies wat ek gelees en self gedoen het was daar nie betekenisvolle residu vlakke in die vleis of lewer gewees nie.

Die steroïed hormone wat dus tans gebruik word, word allerweë as veilig beskou (selfs in die Europese Unie) waar die meeste kritiek teen die middels geopper is.

Daar word ook van beta-adrenergiese agoniste gebruik gemaak wat in dele per miljoen in die voer gemeng word en ‘n baie positiewe uitwerking het op spergroei weens die energie herverdelings effekte wat dit op groeiende diere het. Die middels is neuro-endokriene stimulante aangesien dit die effekte van epinefrien / norepinefrien naboots.

Geskryf deur: Prof. Edward Webb, PhD (Pret), Pr.Sci.Nat.(Anim.Sci.)

Vise-dekaan Navorsing en Nagraadse Opleiding

Professor van Produksiedier Fisiologie en Vleiswetenskap

Faculteit van Natuur-en Landbouwetenskappe

Universiteit van Pretoria

Tel. 012-420 3271

Vir verder inligting:

Klik op www.landbou.com

Klik op Indeks van antwoorde

Klik op Beeste

Klik op Afronding

Klik op Groeibevorderaars

31 Julie 2018


Lewer kommentaar

Slegs in Afrikaans

Los 'n antwoord

Alle velde moet ingevul word.

Teken In

Ek het nie 'n rekening nie. Ek moet een skep.


Ek het my wagwoord vergeet X

Registreer

Het jy reeds 'n profiel? Teken asseblief in.


X