Dierevoeding

Grondbonehooi as bron van voeding vir diere in droogtetye

Vraag

Is grondbonehooi ‘n goeie bron van ruvoer in droogtetye?

Antwoord

Grondbonehooi is in die klas van proteïenryke ruvoere en ek het goeie resultate met ‘n skaapproef gekry.  Sien tabel hier onder.  Daar kan groot variasie in kwaliteit wees van goeie kwaliteit blaarryke hooi  met baie peule tot swakker gehalte met meer stingels in .  Die hark- en baalproses het ‘n groot invloed op kwaliteit.

Tabel 1.  Die invloed van verskillende voedingsbronne op skaapproduksie oor 114 dae.

Voedingsbron Massa toename (kg) Ruvagmassa (kg/skaap) Skoonopbrengs (%) Skoonvagmassa (kg) Veseldikte (mikron) Stapellengte (mm)
Mielieresteweiding
6 Skape/ha 7.7 2.20 63.23 1.39 22.8 108
9 Skape/ha 6.6 2.04 62.96 1.28 21.1 102
12 Skape/ha 5.7 1.85 62.48 1.16 20.8 99
Ruvoere
Gemaalde heel mielieplante 6.3 1.79 73.93 1.32 20.2 101
Swak gehalte mieliekuilvoer 3.4 1.17 66.75 0.78 18.7 92
Top kwaliteit lusern 17.6 2.63 76.63 2.06 22.5 129
Grondbonehooi 9.5 1.64 71.11 1.17 20.1 107
Tefhooi 4.3 1.29 73.07 0.94 20.1 91
Oulandsgrashooi 3.6 1.44 72.29 1.04 20 102

 

Geskryf deur: Hendrik van Pletzen, Tegniese bestuurder, Voermol Voere (hendrikvp@mweb.co.za)

Opmerking deur ‘n veearts: Dr. Adriaan Olivier

Boere in die Oudtshoorndistrik gebruik grondbonehooi, maar kwaliteit is ‘n groot faktor asook beskikbaarheid tydens die droogte.

Risiko faktor is swamme.

Die teenwoordigheid van grondbone in die hooi vermeerder die waarde van die hooi aansienlik.

Hantering: die hooi is baie droog en breek baie maklik, gevolglik is dit baie stowwerig.

Met die meng van die hooi verloor mens die lengte van die hooi en word dit gereduseer tot ‘n fyn stof.

Sommige groepe volstruise hou van die hooi, maar ander weier om dit te vreet – ek vermoed dit is te wyte aan mikotoksiene of dat swamme die smaaklikheid beїnvloed.

Nog ‘n opmerking deur ‘n ander veearts:

Indien die hooi in droogtetye gevreet word, mag die hooi groot hoeveelhede sand bevat en beeste kry ‘n tipe sandkoliek wat in perde gesien word. As ‘n rektale ondersoek gedoen word, word baie sand in die rektum gekry.

26 Augustus 2017


Lewer kommentaar

Slegs in Afrikaans

Los 'n antwoord

Alle velde moet ingevul word.

Teken In

Ek het nie 'n rekening nie. Ek moet een skep.


Ek het my wagwoord vergeet X

Registreer

Het jy reeds 'n profiel? Teken asseblief in.


X